إتجاه الفرش والغطاء في حديد التسليح

يعتمد إتجاه الفرش والغطاء في حديد التسليح بشكل مباشر على قوة العزوم المؤثرة واتجاه تمركزها. فكما نعلم بأن حديد التسليح يقاوم فوة الشد في الخرسانة المسلحة وبناء عليه فأن تنفيذه في الاتجاه الصحيح يزيد من مقاومة و عمر المنشأ الافتراضي..

دايما البلاطات الـ Solid Slab إتجاه الفرش في الإتجاه القصير و إتجاه الغطاء في الإتجاه الطويل

فيما عدا حالة خاصة واحدة فقط الفرش بتاعها بيكون في الإتجاه الطويل

حد عارف ؟

الحالة دي لما يكون عندنا بلاطة One Way Solid Slab محمولة علي كمرتين فقط و الكمرتين دول في الإتجاه القصير فيكون إتجاه الحمل الرئيسي عمودى علي الكمرتين يعنى الإتجاه الطويل و بالتالي يكون الفرش في الإتجاه الطويل و الغطاء يكون في الإتجاه القصير

بص لو المصمم قال إن الشبكة في إتجاه X مثلا 5 فاي 10 و في إتجاه Y مثلا 7 فاي 12

يبقي أكيد الفرش يكون في إتجاه التسليح الأكتر يعنى في إتجاه Y

طيب لو الشبكة في الإتجاهين زي بعض ؟

ساعتها نبص علي إتجاهات الحديد الإضافي لو الحديد الإضافي في إتجاه X أكثر من إتجاه Y ساعتها نفرش في إتجاه الحديد الإضافي الأكثر يعنى في الحالة دى إتجاه X

طيب لو عدد الإضافي في الإتجاهين زي بعض نعمل إيه ؟

ساعتها تفرش في الإتجاه الطويل ( خلي بالك الإتجاه الطويل للباكية مش للسقف كله)

و تغطي في الإتجاه القصير

و في الحالة دي مش هيفرق إتجاه الفرش و الغطاء جامد يعني

في الـ One Way Hollow Block بيكون الفرش في الإتجاه العمودي علي الأعصاب الـ Ribs علشان أسياخ البلاطة متقعش داخل العصب و الغطاء بيكون في الإتجاه الموازى للأعصاب

أما في البلاطات الـ Two Way Hollow Block مش فارقة

لو كانت القلبة متحملة علي كمرتين يمين و شمال مع السلم ساعتها الفرش بيكون في الإتجاه القصير

لو كانت القلبة متحملة علي كمرتين كمرة في منسوب الدور و كمرة في منسوب نصف الدور ساعتها يكون الفرش في الإتجاه الطويل

الفرش في إتجاه الرفرفة الأكبر

لو الرفرفة متساوية يبقي المومنت متساوي يبقي مش فارق إتجاه الفرش و الغطاء بس يفضل نفرش في الإتجاه الطويل 

لو التسليح في أحد الإتجاهات أكبر من الإتجاه الأخر يتم الفرش في الإتجاه ذات التسليح الأكبر